«Ռուսթավի 2»-ի հայտնի լրագրողներն ուղիղ եթերում հայտարարել են հեռուստաալիքը լքելու մասին (տեսանյութ)

Վրացական լրատվամիջոցները հայտնում են, որ «Ռուսթավի 2»-ի հաղորդավարներ  Միխայիլ Սեսիաշվիլին և Դիանա Ջոջուան տեղեկատվական ծրագրի գլխավոր թողարկման ժամանակ 10 տարվա աշխատանքից հետո հայտարարել են հեռուստաալիքը լքելու իրենց որոշման մասին: Հաղորդավարները հայտնել են, որ լքում են հեռուստաընկերությունը, որտեղ, նրանց խոսքով, «տոտալ զտում է սկսվել»:

«Ռուսթավի-2»-ում իրավիճակը սրվել էր այն բանից հետո, երբ Վրաստանում ամենաբարձր վարկանիշ ունեցող հեռուստաընկերությունը դատարանի 2019 թվականի հուլիսի 18-ի որոշմամբ մի քանի տարի տեւած դատաքննությունից հետո անցել էր նախկին սեփականատերերից մեկին՝ իշխանությունների հանդեպ չեզոք տրամադրված բիզնեսմեն Կիբար Խալվաշին: