Առաջարկ ժամանակակից ռոբինզոնների համար

Հունական կղզին կվճարի ձեզ ամսական 600 եվրո, եթե պատրաստ եք այստեղ ապրել:

Այս կղզին կոչվում է Անդիկիտիրա, գրում է  Marcianos-ը: Այս կղզիները ժայռոտ, վայրի և կուսական բնության մի մասն են: Այն իդեալական վայր է աշխարհից կտրվելու և ձեզ խաղաղ զգալու համար:

Կղզին ունի միայն մեկ հանգիստ և հիասքանչ Պոտամոս գյուղ, որը բաղկացած է սպիտակ տներից և մի շարք կողային փողոցներից՝ մի քանի պանդոկներով և մի քանի խանութներով:

Վերջին տեղեկությունների համաձայն՝ կղզում մնացել է ընդամենը 40 բնակիչ, և իշխանություններն այլ ելք չունեն, քան առաջին երեք տարվա համար ամսական մոտ 600 եվրո առաջարկել նրանց, ովքեր ցանկանում են ընդմիշտ տեղափոխվել այնտեղ:

Վճարը սահմանված չէ կառավարության կամ քաղաքապետարանի կողմից, այլ տեղական Ուղղափառ եկեղեցու կողմից, որը փնտրում է երիտասարդ ընտանիքների՝ տարածքում բնակություն հաստատելու համար:

Առաջ կղզին բնակեցված էր մի քանի հարյուր բնակիչներով, բայց վերջին տասնամյակների ընթացքում այդ ցուցանիշներն աստիճանաբար նվազել են աշխատատեղերի բացակայության պատճառով: Գաղափարն այն է, որ կղզին բնակեցվի նոր բնակիչներով, որոնք կարող են օգտագործել իրենց տրամադրած հողերը իրենց հայեցողությամբ՝ տուն կառուցելու, կամ որևէ բիզնես կազմակերպելու համար:

Կղզին էլեկտրականություն և ինտերնետ կապ ունի, բայց բանկեր չկան. կա միայն մեկ առևտրային հաստատություն:

Իսկ Դուք կհամաձայնեի՞ք տեղափոխվել նման վայրի կղզի:

ИнфоМания