«Լոռի»-ի ֆուտբոլիստը տեղափոխվել է իսպանական ակումբ

Իսպանական «Ալմերիա» ակումբը ձեռք է բերել «Լոռի»-ի կիսապաշտպան Իսահ Ալիյուի տրանսֆերային իրավունքները։ Այս մասին հայտնում է ահկալան ակումբի կայքը:

«Ալմերիան» նիգերիացի երիտասարդ կիսապաշտպանի համար «Լոռի» ՖԱ-ին կվճարի 140,000 եվրո, ինչպես նաեւ հաջորդ վաճառքից 20% մասնաբաժին։

Իսահը «Լոռի» էր տեղափոխվել 2018 թվականի փետրվարին։ Վանաձորյան ակումբի կազմում հռչակվել էր Հայաստանի Առաջին խմբի չեմպիոն։

«Լոռի»-ի կազմում մասնակցել է 50 հանդիպման, խփել 10 գոլ և կատարել 12 գոլային փոխանցում։