Ճապոնիա-Հայաստան ընկերության նախագահը պարգևատրվեց «Մխիթար Գոշ» մեդալով
Դիվանագիտական առաքելություններ
Հուլիսի 29-ին Ճապոնիայում ՀՀ դեսպանությունում տեղի ունեցավ Ճապոնիա-Հայաստան ընկերության նախագահ Սումիո Էդամուրայի՝ «Մխիթար Գոշ» մեդալով պարգևատրման պաշտոնական արարողությունը: Միջոցառմանը ներկա էին Ճապոնիա-Հայաստան ընկերության մի շարք անդամներ:
Սումիո Էդիմուրան 2011թ. սեպտեմբերին 3-ին ՀՀ Նախագահի Հրամանագրով պարգևատրվել է «Մխիթար Գոշ» մեդալով Հայաստանի Հանրապետության և Ճապոնիայի միջև բարեկամական հարաբերությունների ամրապնդման և զարգացման գործում ներդրած նշանակալի ավանդի համար: Սումիո Էդիմուրային մեդալը հանձնեց Ճապոնիայում ՀՀ դեսպան Հրանտ Պողոսյանը:
Տեղեկանք: Հայտնի դիվանագետ Սումիո Էդամուրան 1992թ-ից հավատարմագրվել է որպես Հայաստանի Հանրապետությունում Ճապոնիայի առաջին դեսպան (նստավայրը՝ Մոսկվա)՝ զգալի ներդրում ունենալով անկախ Հայաստանի հետ դիվանագիտական ու տնտեսական կապերի հաստատման և զարգացման գործում:
Վերջին 13 տարիների ընթացքում Ս. էդամուրան ղեկավարում է Ճապոնիա-Հայաստան ընկերությունը, որի գործունեությունն աջակցում է երկու երկրների միջև քաղաքական երկխոսությանն ու բարեկամական կապերի զարգացմանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
