Քարահունջի վարչական ղեկավարն իրեն վերագրվող հանցագործությունները չի ընդունում. փաստաբան
Իրավունք
Գորիս համայնքի Քարահունջ բնակավայրի վարչական ղեկավար Լուսինե Ավետյանը կասկածանքը չի ընդունում, ձերբակալման իրավաչափության հարցով էլ դատարան կդիմեն։ Այս մասին NEWS.am-ի հետ զրույցում ասաց Ավետյանի փաստաբան Րաֆֆի Ասլանյանը։
«Դատավարական համապատասխան փաստաթղթերին ծանոթանալուց հետո ակնհայտ է, որ ձերբակալումը ոչ իրավաչափ է։ Ավետյանն իրեն վերագրվող հանցագործությունները չի ընդունում»,- ասաց նա։
Հարցին՝ ի՞նչ հիմքեր են ներկայացվել ձերբակալման համար, փաստաբանը պատասխանեց.
«Որեւէ հիմք չի ներկայացվել գործով կասկածյալին։ Ընդամենը տրամադրվել է ձերբակալման արձանագրությունը։ Ոչ հիմքերի, ոչ ձերբակալման նպատակի վերաբերյալ որեւէ դատավարական փաստաթուղթ չի տրվել»։
Ավելի վաղ Հատուկ քննչական ծառայությունը հայտնել էր, որ Ավետյանը 4 բնակչի «Դրամական աջակցություն» անվան տակ գումար է տրամադրել եւ հարկադրել, որ մասնակցեն ՀՀ ԱԺ արտահերթ ընտրությունների կապակցությամբ այս տարվա հունիսի 8-ին Գորիսում «Հայաստան» դաշինքի կողմից կազմակերպվելիք քարոզարշավին։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
