Ամերիկացին 70 տարվա ազատազրկման է դատապարտվել ոստիկանների վրա թքելու համար
Այլ
Տեխասում տղամարդը 70 տարվա ազատազրկման է դատապարտվել ոստիկանների վրա թքելու համար, գրում է Complex-ը։
Ըստ տեղական լրատվամիջոցների՝ 36-ամյա Լարի Փիրսոնը ձերբակալվել է 2022 թվականի մայիսին՝ ընտանեկան բռնության կասկածանքով։ Տղամարդու մասին ոստիկանություն ներկայացրած տուժողը պատմել է, որ մի քանի անգամ հարվածել է իրեն և սպառնացել հրազենով։ Դրանից հետո ամերիկացին բերման է ենթարկվել, սակայն ձերբակալության ժամանակ նա իրեն ագրեսիվ է պահել և թքել է իրավապահների վրա։
2023 թվականի ապրիլին դատարանը դատապարտել է Փիրսոնին։ Նա մեղավոր է ճանաչվել պետական պաշտոնյաներին վիրավորելու երկու հոդվածներով: Տղամարդը նախկինում դատապարտված է եղել բռնության և դաժան կողոպուտի համար, այս հանգամանքը հաշվի առնելով՝ Լարին դատապարտվել է 70 տարվա ազատազրկման։
«Եթե ցանկանում եք ապրել հանցավոր կյանքով՝ արեք դա բանտում գտնվող այլ հանցագործների հետ», - ասել է դատախազը՝ Փիրսոնին:
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
