Բրիտանացի ընտանիքն այցելել է հին հյուրանոց և պատին հայտնաբերել իրենց որդու դիմանկարը

Բրիտանացի մի ընտանիք այցելել է Շվեդիայում գտնվող հին գյուղական հյուրանոց և ճաշասենյակի պատին հայտնաբերել աղջկա դիմանկար, որը զարմանալիորեն նման էր իրենց որդուն: Այս մասին հայտնում է The Mirror-ը։

Ջեննի Սթիվենսոնը պատմել է, որ մեկնել է Շվեդիա և իր ընտանիքի հետ գիշերել է մեկուսի հին գյուղական հյուրանոցում: Երբ ընտանիքը պատրաստվում էր ընթրել ընդհանուր ճաշասենյակում, դուստրը՝ Ջեննին, նկատել է պատից կախված դիմանկարը։ Դրանում պատկերված էր մի երեխա, ով ապշեցուցիչ նմանություն ուներ իր յոթամյա եղբոր՝ Բարնիին, ով շիկահեր է և կապույտ աչքերով:

Թեեւ շվեդ նկարիչ Կարլ Լարսոնի «Ծաղիկներ հովտում» նկարում պատկերված էր աղջիկ, նա Բարնիից տարբերվում էր միայն երկար մազերով։ Ջեննիին և նրա ամուսնուն չի վախեցրել տարօրինակ գտածոն, թեև հյուրանոցը գտնվում էր ճռճռացող հատակով հին տանը: Ինքը՝ Բարնին, հումորով է ընդունել իրավիճակը։ Ավելի ուշ կինը սոցցանցերում կիսվել է այս պատմությամբ։ «Այստեղ բացարձակապես վախենալու ոչինչ չկա, այնպես որ, հավանաբար, ամեն ինչ կարգին է», - ասել է նա:

Ավելի ուշ մեկնաբանություններում կինը կատակել է, որ ինչ-որ պահի արթնացել է ահարկու ձայնից, որը նման էր էջերը շրջելուն կամ քարտերը խառնելուն, սակայն հյուրանոց այցելելուց հետո էլ ընտանիքի բոլոր անդամները ողջ են։