Ենոքավանի միջնակարգ դպրոցում և համայնքապետարանում անց է կացվել պատսպարման և տարհանման վարժանքներ
Հասարակություն
Ապրիլի 12-ին ՀՀ ՆԳՆ ՓԾ Տավուշի մարզային փրկարարական վարչության աշխատանքային խմբի կողմից Իջևան համայնքի Ենոքավան բնակավայրի միջնակարգ դպրոցում և համայնքապետարանում անց է կացվել ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների իրականացումը» թեմայով վարժանք, իսկ Ներքին Ծաղկավան բնակավայրի միջնակարգ դպրոցում՝ «ԱԻ և ՔՊ հիմնահարցեր, երկրաշարժի դեպքում վարվելակերպի և հրդեհային անվտանգության կանոնները» թեմայով սեմինար-պարապմունք: Այս մասին հայտնում են ՆԳՆ փրկարար ծառայությունից:
Միջոցառումների ընթացքում էլեկտրաշչակի միջոցով իրականացվել է ազդարարում, կազմակերպվել է տարհանում և պատսպարում. քննարկվել են բնակչության վարվելակերպի կանոնները «Օդային տագնապ» ազդանշանի դեպքում, հրդեհաշիջման սկզբնական միջոցների օգտագործման վերաբերյալ հարցեր։
Կարևորելով նմանատիպ միջոցառումների կազմակերպումը՝ մասնագետները վստահեցրել են, որ վերջիններս կրելու են շարունակական բնույթ։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
