Լուսադեմին մեքենան վնասել է Սայաթ-Նովա պողոտայի նորատունկ սոսի գնդաձև ծառը

Այսօր լուսադեմին անբարեխիղճ քաղաքացու մեքենան վնասել է Սայաթ-Նովա պողոտայի նորատունկ սոսի գնդաձև ծառը: Այս մասին հայտարարություն է տարածել  «Կանաչապատում և շրջակա միջավայրի պահպանություն» կազմակերպությունը:

«Տեղում համապատասխան մասնագիտական մոտեցում է ցուցաբերվել: Եվս մեկ անգամ հորդորում ենք՝ չվնասել բնությունը և սրտացավ լինել յուրաքանչյուր ծառի ու թփի նկատմամբ:

Կազմակերպությունը դեպքին համապատասխան ընթացք է տալու՝ դիմելով ոստիկանություն»,-ասված է հայտարարությունում: