Ադրբեջանն nւժ չի կիրառի Հայաստանի տարածքով ցամաքային միջանցք ստեղծելու համար. Հաջիև

Ադրբեջանը մտադիր չէ ռազմական գործողություններ ձեռնարկել Հայաստանի հարավում ցամաքային միջանցք ստեղծելու համար, Reuters-ին տված հարցազրույցում ասել է Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիևը։

«Անցյալ շաբաթ Ադրբեջանի ռազմական գործողությունը Լեռնային Ղարաբաղում հայության մեջ մտավախություն է առաջացրել, որ Բաքուն այժմ կարող է ուժ կիրառել Հայաստանի միջով դեպի Ադրբեջանի Նախիջևանի էքսկլավ միջանցք ստեղծելու համար:

Սակայն Ադրբեջանի նախագահ Իլհամ Ալիևի արտաքին քաղաքականության հարցերով խորհրդական Հիքմեթ Հաջիևն ասում է, որ Բաքուն ցանկանում է միայն Հայաստանի տարածքով դեպի Նախիջևան տրանսպորտային կապեր ստեղծել, ինչը, ըստ նրա, օգուտ կբերի երկու երկրներին և տարածաշրջանին:

«Ադրբեջանը չունի ռազմական նպատակներ Հայաստանի Հանրապետության ինքնիշխան տարածքում, դա լիովին դուրս է Ադրբեջանի օրակարգից»,- ասել է նա Reuters-ին։
«Մեր առաջարկը Հայաստանին տրանսպորտային հանգույցներ կառուցելն է շատ խաղաղ եղանակով», - ասել է նա՝ ելույթ ունենալով Բրյուսելում ԵՄ հյուրընկալած իր հայ գործընկեր Արմեն Գրիգորյանի և եվրոպացի պաշտոնյաների հետ բանակցություններից հետո։

Հաջիևի մեկնաբանություններն արվել են Ալիևի թուրք գործընկեր Թայիփ Էրդողանի հետ բանակցությունների հաջորդ օրը, որտեղ նա ակնարկել է նման ցամաքային միջանցքի ստեղծման հեռանկարը, որը նաև անմիջական կապ կհաղորդի Ադրբեջանին մերձավոր դաշնակից Թուրքիայի հետ:

Բրյուսելյան բանակցություններում պաշտոնյաները քննարկել են հոկտեմբերի 5-ին Իսպանիայի Գրանադայում կայանալիք եվրոպական գագաթնաժողովում Ալիևի և Հայաստանի վարչապետ Նիկոլ Փաշինյանի հնարավոր հանդիպումը:

ԵՄ-ն բանակցություններից հետո հայտարարության մեջ ասա, որ «կարծում է, որ Գրանադայում հնարավոր հանդիպումը պետք է օգտագործվի ինչպես Երևանի, այնպես էլ Բաքվի կողմից՝ հրապարակայնորեն կրկնելու իրենց հավատարմությունը միմյանց տարածքային ամբողջականությանն ու ինքնիշխանությանը»:

Հայաստանի կառավարությունն անհապաղ մեկնաբանություն չի արել բանակցությունների վերաբերյալ»,-գրում է Reuters-ը: