Մահացել է Դամբլդորի դերակատար Մայքլ Գամբոնը

Հարի Փոթերի ֆիլմաշարում պրոֆեսոր Ալբուս Դամբլդորի դերակատար Մայքլ Գամբոնը մահացել է 83 տարեկան հասակում։ Այս մասին հայտնում է The Independent-ը։

Արտսիտը մահացել է հիվանդանոցում՝ ընտանիքի կողմից շրջապատված՝ թոքաբորբի նոպայից առաջացած բարդությունների արդյունքում։

Մայքլ Գամբոնը ծնվել է 1940 թվականի հոկտեմբերի 19-ին՝ Դուբլինում։ Նրա ամենահայտնի դերը Հոգվարթսի կախարդության դպրոցի տնօրեն, պրոֆեսոր Ալբուս Դամբլդորի դերն է Հարի Փոթերի ֆիլմաշարում, որը նա սկսեց խաղալ ֆրանշիզայի երրորդ մասում։

Բացի այդ, արտիստը մասնակցել է թատերական ներկայացումներին և նաև նկարահանվել այնպիսի ֆիլմերում, ինչպիսիք են՝ «Թագավորի խոսքը», «Էլիի գիրքը», «Օմենը», «Էմմա» և շատ ուրիշներ։ Ընդհանուր առմամբ՝ նրա ֆիլմագրությունը ներառում է 193 նախագիծ։

2015 թվականին Գամբոնը խոստովանել է, որ տառապում է կարճաժամկետ հիշողության կորստով, ինչի պատճառով՝ ստիպված էր ավարտել թատերական կարիերան։