Բրիտանիայում երկրպագուին ձերբակալել են քաղցկեղից մահացած տղային ծաղրելու համար

Մեծ Բրիտանիայում ձերբակալել են «Շեֆիլդ Ուենսդեյ» ֆուտբոլային ակումբի երկրպագու Դեյլ Հոութոնին, ով Անգլիայի առաջնության «Սանդերլենդի» դեմ խաղի ժամանակ ծաղրել է հակառակորդ թիմի 6-ամյա երկրպագուին, ով մահացել է 2017 թվականին քաղցկեղից, հայտնում է BBC-ն։

Խաղի ժամանակ տրիբունաներում նկատվել է երկրպագու, ով իր հեռախոսով ցույց է տալիս մահացած երկրպագու Բրեդլի Լոուրիի լուսանկարը: Կադրերում երևում է, որ նրա կողքին կանգնած երկրորդ երկրպագուն ծիծաղում է լուսանկարի վրա։

Հոութոնին մեղադրում են անկարգությունների մեջ։ Նրան սպառնում է խաղերին մասնակցելու արգելք։ Երկրորդ երկրպագուն ձերբակալվել է, սակայն գրավի դիմաց ազատ է արձակվել։

«Շեֆիլդ Ուենսդեյ»–ի խաղացողները դատապարտել են Հոութոնի գործողությունները, ինչպես նաև ներողություն են խնդրել տղայի ընտանիքից:

«Շեֆիլդ»-«Սանդերլենդ» հանդիպումն ավարտվել է 3։0 հաշվով՝ հօգուտ «Սանդերլենդի»։