Ֆաբիո Մասիմո Կաստալդոն ԵՄ-ին հորդորել է կասեցնել Բաքվի հետ գազի և նավթի շուրջ պայմանագրերը
Արտաքին Քաղաքական
Եվրախորհրդարանի «Իրավիճակը Լեռնային Ղարաբաղում Ադրբեջանի հարձակումից հետո և Հայաստանի հասցեին շարունակվող սպառնալիքները» թեմայով քննարկման ժամանակ իտալացի պատգամավոր Ֆաբիո Մասիմո Կաստալդոն Լեռնային Ղարաբաղում տեղի ունեցածը որակել է «ողբերգություն», որի մասին զգուշացվել էր, հաղորդում է «Լուրեր»–ը:
Նրա խոսքով՝ չնայած Հայաստանը բազմիցս դիմել է Եվրոպային, վերջինս երես թեքեց, երբ Բաքուն ապօրինի փակեց Լաչինի միջանցքը:
«Անգամ Ալիևի և Պուտինի միջև դաշինքը մեզ չստիպեց բացել մեր աչքերը: Մենք զոհեցինք հայ ժողովրդին ռեալ պոլիտիկին: Ուստի ևս մեկ անգամ խնդրում և հորդորում եմ՝ անմիջապես խստագույն պատժամիջոցներ սահմանել Ադրբեջանի իշխանությունների նկատմամբ»,- ասել է Կաստալդոն:
Նա նաև կոչ է արել դադարեցնել զինտեխնիկայի արտահանումը Ադրբեջան, ինչպես նաև կասեցնել Բաքվի հետ գազի և նավթի պայմանագրերը, քանի որ դրանք ավելի կարևոր չեն, քան մարդկային արժեքները:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
