Մեկ շաբաթում գրանցվել է 130 արտակարգ դեպք. 63 հրդեհ, 10 ինքնասպանության փորձ. զոհվել է 11 մարդ, 4-ր փրկվել է. ՓԾ

Հոկտեմբերի 2-ից 8-ը ՆԳՆ ՓԾ ճգնաժամային կառավարման ազգային կենտրոնում գրանցվել է 423 դեպք, որից 130-ը՝ արտակարգ:

Մասնավորապես՝ հրդեհի՝ 63, փլուզման, դժբախտ պատահարի, որոնողափրկարարական, վայրի կենդանիների հարձակման՝ 1-ական, թունավորման՝ 2, կեղծ ահազանգի՝ 3, զինամթերքի հայտնաբերման՝ 4, ինքնասպանության փորձի՝ 10, օձի նկատման՝ 19, ճանապարհատրանսպորտային պատահարի՝ 59, ինչպես նաև՝ կենցաղային կանչի՝ 188, հրդեհի ծագման սպառնալիքի՝ 25, հրդեհի կեղծ կանչի՝ 17 և 29 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 8 դեպք: Փրկարարներն օգնություն են ցուցաբերել 11 քաղաքացու և անվտանգ տարածք տեղափոխել ավտոճանապարհներին արգելափակված 11 տրանսպորտային միջոց:

Նախորդ շաբաթվա ընթացքում տուժել է 83, զոհվել՝ 11 մարդ: Փրկարարական գործողությունների արդյունքում փրկվել է 4 մարդ: