ՌԴ ՄԻՊ–ը խոսել է հայրենակիցներին ՀՀ–ից և Իսրայելից վերադարձնելու դժվարությունների մասին

Պետք է աշխատել արտերկրից այն հայրենակիցների վերադարձի մեխանիզմի բարելավման ուղղությամբ, ովքեր հայտնվել են կյանքի դժվարին պայմաններում, ասել է ՌԴ-ում մարդու իրավունքների հանձնակատար Տատյանա Մոսկալկովան։ Նրա խոսքով, դրա մասին են վկայում Ուկրաինայում, Հայաստանում և Իսրայելում տեղի ունեցող իրադարձությունները, փոխանցում է ՏԱՍՍ-ը։

Ուկրաինայից Ռուսաստան վերադառնալը դժվար է, նշել է օմբուդսմենը, քանի որ մարդիկ հնարավորություն չունեն պարզապես հատել սահմանը։ Դա անելու համար նրանք պետք է ճանապարհորդեն այլ երկրների տարածքով։ «Մենք զբաղվում ենք դրանով, օգնում վերամիավորել ընտանիքներին», - հավելել է Տատյանա Մոսկալկովան:

Բայց Հայաստանում և Իսրայելում տիրող իրավիճակը ցույց տվեց, որ շատ դժվար է հայրենակիցներին հայրենիք վերադարձնելը, պարզաբանել է օմբուդսմենը։