Ռուսաստանը Հայաստանի միջոցով Անդրկովկասում ՆԱՏՕ-ի շահերն առաջ տանելու փորձեր է տեսնում. Լավրով

Ռուսաստանը Հայաստանի միջոցով Անդրկովկասում ՆԱՏՕ-ի շահերն առաջ տանելու փորձեր է տեսնում։ Այս մասին Բիշքեկում ԱՊՀ երկրների արտգործնախարարների խորհրդի նիստի արդյունքներով կայացած մամուլի ասուլիսում հայտարարել է ՌԴ արտգործնախարար Սերգեյ Լավրովը, գրում են միջազգային ԶԼՄ-ները։

«Մենք գիտենք, թե Հայաստանում վերջին տարիներին քանի հասարակական կազմակերպություններ են ստեղծվել, և նախկինում էլ շատ են եղել, այդ կազմակերպությունները չեն ստեղծվել Հայաստանի և Ռուսաստանի Դաշնության միջև՝ բարեկամական հարաբերությունները խթանելու նպատակով։ Ընդհակառակը, դրանք նպատակ ունեն հող ստեղծել հակառուսական տրամադրությունների և Հայաստանի միջոցով ԱՄՆ-ի, ԵՄ երկրների և ՆԱՏՕ-ի շահերի առաջմղման համար այս տարածաշրջանում։ Այդ փորձերը որոշակի արդյունքների են հասնում, սակայն Ռուսաստանը խորապես համոզված է, որ հայ ժողովրդի ճնշող մեծամասնությունը շահագրգռված է զարգացնել ավանդական եղբայրական հարաբերությունները Ռուսաստանի Դաշնության հետ»,- ասել է Լավրովը։