Արմեն Աշոտյանի կալանքը երեք ամսով երկարաձգվել է

Հայաստանի Հանրապետական կուսակցության փոխնախագահ Արմեն Աշոտյանի խափանման միջոց կալանքը երկարացվեց ևս երեք ամսով։ Քիչ առաջ նման որոշում կայացվեց ՀՀ հակակոռուպցիոն դատարանում:

Աշոտյանի կալանքը երկարաձգվել է մինչև 2024 թվականի հունվարի 15-ը։ 

Արմեն Աշոտյանը որպես մեղադրյալ անցնում է Երևանի պետական բժշկական համալսարանին  չարաշահումների վերաբերյալ քրեական գործով, նրան մի շարք հոդվածներով մեղադրանք է առաջադրվել։ Արմեն Աշոտյանին մեղադրանքն առաջադրվել է նրա՝ ՀՀ կրթության նախարար և Երևանի պետական բժշկական համալսարանի հոգաբարձուների խորհրդի նախագահ եղած ժամանակ կատարած ենթադրյալ արարքների համար։ 

Աշոտյանը չի ընդունում իրեն առաջադրված մեղադրանքները և հայտարարել է, որ ենթարկվում է քաղաքական հետապնդման։