Մոսկվան հույս ունի, որ Փաշինյանի` վեկտորը չփոխելու դիրքորոշումը կհաղթի. Լավրով

Մոսկվան հույս ունի, որ Փաշինյանի` վեկտորը չփոխելու դիրքորոշումը կհաղթի։ Այս մասին Բիշքեկում ԱՊՀ երկրների արտգործնախարարների խորհրդի նիստի արդյունքներով կայացած մամուլի ասուլիսում հայտարարել է ՌԴ արտգործնախարար Սերգեյ Լավրովը, գրում են միջազգային ԶԼՄ-ները։

Լավրովը ուշադրություն է հրավիրել Հայաստանի վարչապետ Նիկոլ Փաշինյանի` վերջերս տված հարցազրույցի վրա, որում նա, մասնավորապես, ասել էր, որ «Հայաստանը չի փոխում իր վեկտորը»։

«Մոսկվան հուսով է, որ այդ դիրքորոշումը կհաղթի՝ չնայած Երևանին այլ ուղղությամբ տանելու փորձերին»,- ասել է Լավրովը։

Ավելի վաղ Հայաստանի նախարարների կաբինետի ղեկավար Նիկոլ Փաշինյանը հայտարարել էր, որ Հայաստանը մտադիր չէ փոխել իր արտաքին քաղաքական վեկտորը։ Նա ընդգծել է, որ Հայաստանը «ոչ մի բան չեղյալ չի հայտարարել Ռուսաստանի Դաշնության հետ հարաբերություններում, ոչ մի տեղից դուրս չի եկել»։