Ամերիկացի դատախազը՝ պոռնոֆիլմերի դերասան

Նյու Յորք նահանգի շրջանային դատախազ Մարկ Սաբենը պատմել է 1970-ականներին պոռնոֆիլմերում իր մասնակցության մասին. ուրբաթ օրը այս մասին հաղորդում է Associated Press-ը։ Հայտարարելով, որ նա չի նկարահանվել պոռնոֆիլմերում, Սաբենը, փաստորեն, ստել է։
«Ես զղջում եմ իմ ստի համար և ներողություն եմ խնդրում»,-ասել է շրջանային դատախազը՝ ելույթ ունենալով մամուլի ասուլիսի ժամանակ։

Սաբենը զբաղեցնում է Քորթլենդ շրջանի դատախազի պաշտոնը 2008 թվականից։ 2012 թվականի նոյեմբեր ամսին նա հույս ուներ երկրորդ անգամ վերընտրվել։ Տեղեկություններն այն մասին, որ Սաբենը 1970-ականերին պոռնոֆիլմերի դերասան է եղել և աշխատել է Գաս Թոմաս կեղծանվամբ, հայտնվել են ԶԼՄ-ներում մի քանի օր առաջ։

Դատախազի խոսքերով՝ նա հերքել է պոռնոֆիլմերում իր մասնակցության փաստը, քանի որ «ցնցված և մոլորված էր», երբ նրան հարցրին այդքան տարիներ առաջ տեղի ունեցածի մասին։ «Ես անհանգստացա իմ ընտանիքի և ընկերների համար»,-ասել է Սաբենը, հավելելով, որ նրա մտերիմներից և ոչ ոք տեղյակ չի եղել կենսագրության այս հատվածի մասին։