ՄԱԿ-ի գլխավոր քարտուղար Բան Կի Մունը կայցելի Մերձավոր Արևելք
Վերջին լուրեր
ՄԱԿ-ի գլխավոր քարտուղարի պաշտոնական ներկայացուցիչն ուրբաթ օրը լրագրողներին հայտնել է, որ Իսրայելը պետք է «առավելագույն զսպվածություն» դրսևորի ՀԱՄԱՍ-ի կողմից իրականացվող հրթիռային հարձակումների նկատմամբ, որոնք էլ իրենց հերթին պետք է անմիջապես դադարեցվեն. փոխանցում է Vesti.ru-ն:
Նրա խոսքերով՝ Բան Կի Մունը «շատ անհանգստացած է Գազայի հատվածում ստեղծված իրավիճակով և իր խոր անհանգստությունն է հայտնում զոհերի քանակի աճի կապակցությամբ»: «Հրթիռային հարձակումներն անթույլատրելի են և պետք է անմիջապես դադարեցվեն, իսկ Իսրայելը պետք է դրսևորի առավելագույն զսպվածություն: Երկու կողմերն էլ պետք է հետևեն միջազգային նորմերով սահմանված իրենց պարտավորություններին»:
Արաբական ԶԼՄ-ները հայտնում են, որ ՄԱԿ-ի գլխավոր քարտուղարը նոյեմբերի 20-ին պլանավորում է կարճատև մերձավորարևելյան ճանապարհորդություն: Եղած տեղեկությունների համաձայն՝ Բան Կի Մունը այցելելու է Երուսաղեմ և Ռամալլա: Բացի այդ, չի բացառվում նաև գլխավոր քարտուղարի այցը Եգիպտոս:
Նշենք, որ ՄԱԿ-ի քարտուղարությունը հրաժարվել է մեկնաբանել ճանապարհորդության գրաֆիկը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
