Al-Jazeera. Իսրայելական ՌՕՈՒ-ի հարձակման արդյունքում զոհվել է մոտ 38 պաղեստինցի, այդ թվում՝ 8 երեխա

Գազայի հատվածում իսրայելական ռազմաօդային ուժերի հարձակման արդունքում պաղեստինցի զոհերի թիվը հասել է 38-ի։ Այս մասին հաղորդում է արաբական Al-Jazeera հեռուստաալիքը։ Իսրայելական զինծառայողները հաղորդում էին 33 զոհի մասին. առավոտյան և գիշերային ռմբակոծությունների արդյունքում սպանվել է նաև ՀԱՄԱՍ խմբավորման 3 զինյալ։

Գազայի հատվածի բժշկական ծառայությունների հաղորդմամբ՝ զոհվածների կեսը խաղաղ բնակիչներ են, այդ թվում՝ 8 երեխա. պնդում է արաբական հեռուստաալիքը։ Հարձակումներն իրականացվել են այնպիսի քաղաքների ուղղությամբ, ինչպիսիք են Գազան, Ռաֆահը, ինչպես նաև՝ Ալ Մաղազե ճամբարը Գազայի հատվածում։ Օդային հարձակումների արդյունքում վիրավորվել է ավելի քան 300 մարդ, մասնավորապես 30 մարդ տուժել է երեքհարկանի շենքի փլուզման հետևանքով։

Իսրայելական զինված ուժերի ներկայացուցիչներն իրենց հերթին հաղորդել են, որ իրենց հաջողվել է ոչնչացնել մոտ 800 թիրախ՝ օդային օպերացիայի մեկնարկից ի վեր. հաղորդում է ИТАР-ТАСС-ը։ Միայն անցած գիշեր Իսրայելի օդուժն իրականացրել է 180 մարտական թռիչք։