Չինաստանում իրար է բախվել 25 մեքենա. Կան զոհեր

Չինաստանում Հույչժոու նահանգի մայրուղու վրա 25 մեքենայի բախման արդյունքում 6 մարդ է զոհվել, ևս 18-ը՝ վնասվածքներ ստացել. փոխանցում է Риа Новости-ն՝ հղում կատարելով չինական ոստիկանությանը:

Բախումը տեղի է ունեցել շաբաթ օրը առավոտյան ավտոմայրուղու վրա Անշուն քաղաքի մերձակայքում: Բախված մեքենաներից 7-ն այրվել է: Տուժածներից 7 հոգի հոսպիտալացվել է ծայրահեղ ծանր վիճակում:

Դեպքի վայր են ժամանել ոստիկանները և շտապ օգնության մեքենաները: Տարվում է հետաքննություն: