Բռնադատված հայը նույնն է, ինչ արտագաղթված հայը

Գյումրիի քաղաքապետ Սամվել Բալասանյանի խոսնակ Զոհրապ Եգանյանը Facebook սոցցանցի իր էջում գրել է.

«Ցանկացած բռնադատված հայ նույնն է, ինչ որ մեկընդմիշտ արտագաղթած հայը: Ես կոչ եմ անում, որպեսզի մեր դատարանները միշտ հիշեն սա ու շատ-շատ գործերով առաջնորդվեն ոչ միայն օրենքի տառի պահանջով, այլ նաև`ազգային անվտանգության դե ֆակտո շահով: Նույնը վերաբերվում է նաև ՀԱԿ ի երիտասարդ ակտիվիստների դատարավարությանը. իրավական տեսակետից, իհարկե ասելիք չունեմ, բայց մյուս կողմից' էդ երիտասարդները գողափարական մարդիկ են, նրանք ոչ թմրամոլ, ոչ խաղամոլ և ոչ էլ հասարակության համար վտանգ ներկայացնող մարդիկ են, ես առավել քան վստահ եմ, որ հիմա նրանք փոշմանել են իրենց արարքների համար և եթե մենք նրանց դատապարտենք ու անցնեն տարիներ, ապա այդ տղաներից գաղութից հետո շատ քիչ բան կմնա: Այնպես որ' եկեք այս դատավարությունը դարձնենք ազգային համերաշխության, այլ ոչ թե ազգային տարանջատման դատավարություն»: