ԱՄՆ-ի անշարժ գույքի շուկան դեռ կայուն չէ

ԱՄՆ-ի Դաշնային պահուստային համակարգի ղեկավարների խորհրդի նախագահ Բեն Բերնանկեն հայտնել է, որ իրենց վարչությունը տնտեսության վերականգնման համար շարունակում է օգտագործել քաղաքական գործիքները:

Նա նշել է, որ անշարժ գույքի շուկայում իրավիճակը դեռ շատ հեռու է դրական համարվելուց: Դա նշանակում է, որ իրավիճակը շարունակում է լարված մնալ, սակայն այն հետզհետե լավանում է: Բերնանկեն նշել է, որ անշարժ գույքի շուկայի վերականգնումն իրենց գլխավոր խնդիրներից է:

ԴՊՀ-ի ղեկավարը նշել է, որ անշարժ գույքի շուկայի առաջխաղացման հետ կապված՝ շատ բան կա ուրախանալու, սակայն դեռ շատ շուտ է զարգացման նման տեմպերի համար ուրախանալ:

Բերնանկեն նշել է, որ մի քանի տարի առաջ ճգնաժամի պատճառով խստացվել են վարկավորման պայմանները, որը հասկանալի քայլ է: Հնարավոր է, որ այն ժամանակ այդպիսի պայմանները դրական էին ազդում տնտեսության վրա, սակայն ոչ հիմա, նման խիստ պայմանները խանգարում են տնտեսության վերականգնմանը: