Կանեփը շարունակում է մնալ եվրոպացիների գլխավոր «սերը». Զեկույց

Կոկաինի և հերոինի օգտագործման անկման ֆոնին եվրոպական երկրներում ընտելանում են սինթետիկ թմրանյութերին և վստահ առաջ են շարժվում կանաբիս արտադրող երկների ցանկում։ Այս միտումը ներկայացված է Եվրոպական մոնիտորինգային կենտրոնի՝ թմրանյութերի և թմրամոլության (The European Monitoring Centre for Drugs and Drug Addiction, EMCDDA) 2012 թվականի զեկույցում։ Ըստ այդ տվյալների՝ ամենաանհանգստացնող փաստը սինթետիկ թմրանյութի պահանջի աճն է։ Դրանց կարելի է փոխարինել իրարով, դրանք դժվար վերահսկվող են, քանի որ արտադրվում են տնային լաբորատորիաներում, իսկ թմրամոլները ոչ միշտ են տեղեկացված ռիսկերի մասին, որոնց բախվում են նոր հաճույքը որոնելիս։

Ընդ որում, «սինթետիկայի» շուկան շատ արագ է աճում՝ միայն 2012 թվականի ընթացքում հայտնվել է թմրանյութի մոտ 50 նոր տեսակ։ Դրանց մեծ մասը օգտագործման և ազդեցության ձևով նման է կոկաինին և ամֆետամինին։ Եվրոպայում ոչ պակաս հայտնի են, այսպես կոչված, սինթետիկ կանաբինոիդները, որոնք երկար ժամանակ արգելված են եղել։

Սակայն, ինչպես նշվում է զեկույցում, Եվրոպայում թմրամոլների գլխավոր «սերը» շարունակում են մնալ կանեփն ու դրա տարատեսակները։ Այս տարածաշրջանում թմրանյութի այս տեսակի օգտագործման ցուցանիշներն ապշեցնող են. 80.5 միլիոն մարդ կյանքում գոնե մեկ անգամ փորձել է, 23 միլիոնն օգտագործել է այն միայն այս տարի, իսկ մոտ 3 միլիոն մարդ ամեն օր օգտագործում է հաշիշ։

Կանեփի ավելի մեծ քանակություն արտադրվում է ԵՄ երկրներում, այլ ոչ թե Մերձավոր Արևելքի երկրներում, այսպիսով՝ ներմուծման կարիք այլևս չի լինում։