Իվանիշվիլիի առաջին պաշտոնական այցը ԱՄՆ կկայանա նոյեմբեր ամսի վերջին

Վրաստանի նորընտիր վարչապետ Բիձինա Իվանիշվիլիի առաջին պաշտոնական այցը ԱՄՆ կկայանա նոյեմբերի վերջին։ Այս մասին լրագրողների հետ զրույցում հայտնել է Վրաստանի ԱԳՆ ղեկավար Մայա Պանջիկիձեն ԱՄՆ պետքարտուղարի՝ Եվրոպայի և Եվրասիայի հարցերով օգնական Ֆիլիպ Գորդոնի հետ հանդիպումից հետո։

Իր առաջին պաշտոնական այցը Վրաստանի վարչապետի պաշտոնում Իվանիշվիլին կատարել է Բրյուսել և հանդիպումներ է ունեցել Եվրամիության և ՆԱՏՕ-ի ղեկավարների հետ։