ՕԵԿ-ը կաշկանդված է կոալիցիոն պայմանավորվածություններով. Նաիրա Զոհրաբյան
Վերջին լուրեր
ԲՀԿ-ն ի գիտություն է ընդունում ՕԵԿ-ի քաղաքական խորհրդի որոշումը։ Այս մասին Լուրեր.com-ի հետ զրույցում ասաց «Բարգավաճ Հայաստան» խորհրդարանական խմբակցության քարտուղար Նաիրա Զոհրաբյանը։
«ՕԵԿ-ը գտնում է, որ մասնավորապես համամասնական խնդրին իմաստ ունի անդրադառնալ նախագահական ընտրություններից հետո։ Դա իրենց տեսակետն է, մենք գտնում ենք, որ օր առաջ ցանկացած հնարավորություն, ցանկացած միջոց պետք է օգտագործել Ընտրական օերնսգրքում փոփոխություն անելու համար, ուստի ԲՀԿ-ն միացավ ՀԱԿ-ի նախաձեռնությանը արտահերթ նիստ հրավիրելու»,-ասաց Զոհրաբյանը։
Այն հարցին, թե այս որոշումն ՕԵԿ-ինն է, թե ՀՀԿ-ինը, Նաիրա Զոհրաբյանն ասաց. «Բնականաբար ՕԵԿ-ի քաղաքական որոշումն էր, բայց մենք պետք է հասկանանք նաև, որ «Օրինաց երկիրը» կոալիցիայի անդամ կուսակցություն է և բնականաբար կաշկանդված է կոալիցիոն պայմանավորվածություններով և կոալիցիոն խաղի կանոններով»։
Հիշեցնենք, որ «Օրինաց երկիր» կուսակցությունը տարածել էր հաղորդագրություն, որում ասվում էր, որ խորհրդարանական կառավարման համակարգին անցնելու ԲՀԿ առաջարկը համահունչ չէ կուսակցության որդեգրած քաղաքական կուրսին։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
