Բրիտանական արքայազնի կինը մերժել է Քարդաշյանի հետ թեյ խմել՝ արժանավայել չէ

Kardashian Collection հագուստի սեփական հավաքածուն ներկայացնելու նպատակով Լոնդոն կատարած այցելության ընթացքում հայազգի հեռուստաաստղ Քիմ Քարդաշյանը ցանկություն է հայտնել՝ մասնակցել Մեծ Բրիտանիայի արքայազն Ուիլյամի կնոջ՝ Քեյթ Միդլթոնի հետ ավանդական թեյախմությանը։ Այս մասին հայտնում է glamurchik.tochka.net-ը։

Սակայն, Միդլթոնը մերժել է ամերիկյան հեռուստաաստղի խնդրանքը։ Նույնիսկ լուրեր են պտտվում, որ արքայական պալատում կարծում են, որ Քարդաշյանի հետ ծանոթությունն արժանավայել չէ արքայազնի կնոջ համար՝ Քիմի սկանդալային կերպարի պատճառով։

Ավելին, դքսուհին անգամ հրաժարվել է ընդունել այն հագուստները, որոնք Քարդաշյանն էր նախագծել և իբրև նվեր ուղարկել Քեյթին։

Փաստորեն բրիտանական արքայական ընտանիքում երկակի ստանդարտներ են կիրառվում. հայտնի նույնասեռական երգիչ Էլթոն Ջոնը թագուհու կողմից արժանանում է «Սըր»–ի տիտղոսին, իսկ արևմտյան գրեթե բոլոր աստղերի պես ապրելակերպ վարող Քարդաշյանն արժանի չէ նույնիսկ մի բաժակ թեյի՞։