Թոփ–16. առարկաներ, որոնք երբևէ նետվել են խաղադաշտ (լուսանկարներ, տեսանյութ)

Ռուսական Պրեմիեր Լիգայում «Դինամոյի» և «Զենիթի» միջև օրերս կայացած հանդիպումն այդպես էլ չավարտվեց. այն հետաձգվեց, քանի որ «Դինամոյի» դարպասապահի վրա տրիբունայից ճայթռուկ էր նետվել, որի արդյունքում ֆուտբոլիստն այլևս ի վիճակի չի եղել շարունակել խաղը։

Այժմ ձեր ուշադրությանն ենք ներկայացնում այն առարկաները, որոնք ֆուտբոլային հանդիպումների ժամանակ տրիբունայից նետվել են խաղադաշտ։

16. Բանան

Գարնանը Սանկտ Պետերբուրգում Ռոբերտո Կարլոսին երկրպագուները ծաղրեցին՝ ցուցադրելով բանան, իսկ արդեն ամռանը Սամարայում այն նետեցին Կառլոսի ուղղությամբ։ Մեկ տարի անց ռուսական Պրեմիեր լիգայի շրջանակներում կայացած «Լոկոմոտիվ»-«Անժի» հանդիպման ժամանակ երկրպագուները նույն կերպ վարվեցին նաև Կրիստոֆեր Սամբայի հանդեպ։

15. Ճագար

Կիպրոսի առաջնությունում «Օմոնի»-ի երկրպագուները, ծաղրելով կիպրական «Ապոել»-ի խորհրդանիշը համարվող ճագարին, խաղադաշտ էին բաց թողել նարնջագույն, ինչ–որ զզվելի նյութով ներկված ճագար, որին ամբողջ խաղադաշտով մեկ ականջներից բռնած ման են ածել՝ հանդիսատեսի աչքի առաջ։

14. Մետաղադրամ

2004 թվականին Չեմպիոնների Լիգայի խաղարկության շրջանակներում իտալական «Ռոմայի» երկրպագուները իրենց սիրելի թիմի և Կիևի «Դինամոյի» հանդիպման ժամանակ «մետաղադրամով պատժեցին» իրենց կարծիքով սխալ որոշումներ կայացնող շվեդ մրցավար Անդրես Ֆրիսկին։ Մրցավարի վրա նետել էին մեծ քանակությամբ մետաղադրամներ, որի հետևանքով վնասվել էր մրցավարի դեմքը։ Հանդիպումը դադարեցվել էր։ «Ռոմային» գրանցվել էր տեխնիկական պարտություն։

13. Մեզով լցված բաժակ

Այս տարվա օգոստոսին Ռուսական Պրեմիեր Լիգայի շրջանակներում կայացած հանդիպումը «ԲԿՄԱ-ի» և «Անժիի» միջև գրանցեց ֆուտբոլային պատմության մեջ ամենազզվելի միջադեպերից մեկը։ «ԲԿՄԱ-ի» երկրպագուներից մեկը մեզով լցված բաժակը նետեց «Անժիի» ֆուտբոլիստ Մուբարակ Բուսսուֆայի վրա։

12. Գազար

Հունաստանի առաջնության շրջանակներում կայացած «Իրակլիս»-«Պանատինաիկոս» հանդիպման ժամանակ վերջինիս կիսապաշտպանի վրա էին նետել մեծ թվով գազարներ, որով երկրպագուները ցանկացել էին «օգնել «ճագարներին»՝ սնվելու հարցում»։

11. Անձրևանոց

Իսպանիայում՝ «Գրանադա»-«Մալյորկա» հանդիպման ժամանակ, եզրային մրցավարը դեմքին հարված էր ստացել տրիբունայից նետված անձրևանոցից, որի հետևանքով լուրջ վնասվածք էր ստացել։ Միջադեպից հետո խաղը հետաձգվել էր։

10. Պատգարակ

Ռումինական «Գլորիա» ակումբի մարզիչ Նիկոլաե Մանյան այնքան էր բարկացել մրցավարի վրա, որ նրա ուղղությամբ պատգարակ էր նետել։ Ի ուրախություն մրցավարի՝ այն իրեն չէր դիպչել։

9. Թենիսի գնդակներ

Թենիսի գնդակն ընդունված «գործիք» է երկրպագուների շրջանում։ Դրանց շնորհիվ շատ հեշտ է մի քանի րոպեով ընդհատել խաղը և արտահայտել դժգոհություն՝ մրցավարական անարդարության դեմ։ Նմանատիպ «ակցիաներ» արդեն իսկ կազմակերպվել են Իսպանիայում, Շվեյցարիայում, Սլովենիայում և այլ եվրոպական երկրներում։

8. Փուչիկ–գնդակ

Անգլիայում նման առարկայի՝ մարզադաշտում հայտնվելը հանգեցրել է բավականին հետաքրքիր գոլի. «Սանդերլենդի» հարձակվող Դարեն Բենթը գրավել է «Լիվերպուլի» դարպասը։

7. Փքաբլիթ

«Հայդուկի» երկրպագուները, ի նշան բողոքի ընդդեմ ակումբի գործող նախագահի, խաղադաշտը «լցրել էին» փքաբլիթներով։ Պատճառն այն էր, որ ակումբի նախագահը նաև զբաղվում էր թխվածքաբլիթների բիզնեսով։

6. Վիսկիի շիշ

2006 թվականին Իսպանիայում Մադրիդի «Աթլետիկոյի» և «Սեվիլիայի» միջև կայացած հանդիպման ժամանակ դաշտի տերերի երկրպագուները սկսեցին դաշտ նետել տարբեր առարկաներ՝ մրցավարի «կողմապահության» պատճառով։ Դաշտ էր նետվել նաև վիսկիի շիշ։ Խաղը հետաձգվեց, իսկ «Աթլետիկոն» իր երկրպագուների պահվածքի համար վճարեց 3 հազար եվրո տուգանք։

5. Նռնակ

1964 թվականին Անգլիայի «Գրիֆֆին Պարկ» մարզադաշտում տեղի ունեցավ «Բրենտֆորդ»-«Միլլուոլ» հանդիպումը։ «Բրենտֆորդի» դարպասապահ Չիկ Բրոուդիի տուգանային հրապարակում նռնակ հայտնաբերվեց։ Անվախ դարպասապահը վերցրեց այն, զննեց, այնուհետև ուղղակի նետեց խաղադաշտի սահմաններից դուրս։ Ոստիկանները տեղադրեցին այն ավազով լցված դույլի մեջ և դուրս բերեցին մարզադաշտից։ Պարզվեց, այն ընդամենն ուսուցողական նռնակ է եղել։

4. Բիլիարդի գնդակ

2008 թվականին նորվեգական «Բրաննի» և անգլիական «Էվերթոնի» հանդիպման ժամանակ դաշտ նետվեց բիլիարդի գնդակ։

3.  Սեքս–խաղալիքներ

Բառերն ավելորդ են։

2. Սկուտեր

Իտալական Ա Սերիայի շրջանակներում կայացած «Ինտեր»-«Ատալանտա» հանդիպման ժամանակ դաշտի տերերի երկրպագուները սկուտեր էին մտցրել խաղադաշտ, այնուհետև փորձել այն վառել։ Այնուհետև այն բարձրացրել էին «Սան Սիրո» մարզադաշտի ամենաբարձր տրիբունա և նետել խաղադաշտ։

1. Խոզի գլուխ

2000 թվականին, երբ Լուիշ Ֆիգուն, լքելով «Բարսելոնան», տեղափոխվեց Մադրիդի «Ռեալ», անմասն չմնաց երկրպագուների ցասումից։ 2002 թվականին, երբ «Էլ Կլասիկոյի» ժամանակ Ֆիգուն պատրաստվում էր իրացնել անկյունային հարված, նրա ուղղությամբ տրիբունայից տարաբնույթ առարկաներ նետվեցին՝ մետաղադրամներ, շշեր և ... խոզի գլուխ։ Մրցավարը ստիպված եղավ 13-րդ րոպեին ֆուտբոլիստներին դուրս բերել խաղադաշտից։