Արդեն ծաղրում են Առնո Բաբաջանյանի երգն ու կատարողին

Facebook սոցցանցի օգտատեր Վարդան Հակոբյանն իր էջում գրել է.

«Այն, որ անգրագիտությունն ու դատարկությունը վաղուց արդեն հեռուստաեթերում է դա ոչ մեկին չի զարմացնում, բայց այսօր Շանթ հեռուստաընկերության ԻՔՍ ՖԱԿՏՈՐ հաղորդման ժամանակ, մեր ժամանակի հայտնի պրիմիտիվները հանդուրժեցին ծաղրել Առնո Բաբաջանյանի երգն ու կատարողին։ Այն որ այդ պրիմիտիվները անկարող էին որեւէ խորքային պատկերացում ունենալ Բաբաջանյանի արվեստի մասին. դա էլ ինձ ինչ որ տեղ հասկանալի է, բայց այն որ երգի ժամանակ այդ հաղորդման ռեժիսյորը արդեն հեգնում էր այդ երգին, դա արդեն ահազանգ է բոլորիս. Հայրենակիցներ ջան, մենք որակական լուրջ կորուս ունենք, դա դեռ ոչինչ. Մեզ եթերից բռնանում են բոլոր տրամաչափի միաբջիջները, որոնց ամենանամեծ ձեռքբերումը ինչ որ օլիգարխի հարսանիքին երգելը կամ. կուլիսներից թաքուն նայելն է եղել. Բարկությանս կուլմինացիան հասավ այն ժամանակ, երբ անդրեն, ի միջայլոց մի երգիչ, որը ինչ երգ ուզումա երգի վերջանցնում է ուրիշ տոնայնության մեջ, ուրեմն այդ հանճարը Բաբաջանյանի երգի որպես լավ կատարում մեջբերեց ինչ որ էրիկի կատարումը, որը ինտերնետում տեսնելուց հետո երկար ժամանակ աջքիցս ընկել էր նրա կատարած երգը. Բանը հասել է այնտեղ, որ իրենք արդեն ճաշակ են թելադրում մեզ. Այսօր փորձի համար շրջել եմ հայկական բոլոր ալիքները, բոլոր ալիքներում մի պատկառելի մարդ չտեսա եթերում, որից սովորելու բան կլիներ իմ ու մնացած հանդիսատեսի համար. Այս ուր ենք գնում. Դրանց ձեւավորած սերունդն է, որ իրեն կարող է թույլ տալ նստել տրանսպորտի մեջ այն դեպքում, երբ դիմացը կռացած կանգնած է տարիքով մեծը կամ ծերունին. Այպես շարունակվելու դեպքում մենք կվերանանք որպես տեսակ ու կլրացնենք անդեմք ու անբովանդակ ցեղերի շարքը»։