«Միկի Մաուս»–ն այսօր դարձավ 84 տարեկան
Վերջին լուրեր
Հայտնի ամերիկյան մուլտֆիլմի կերպար Միկի մկնիկը (Mickey Mouse) նոյեմբերի 18-ին նշում է իր պաշտոնական ծննդյան օրը։ 1928թ. այս օրն աշխարհն առաջին անգամ տեսավ «Վիլիի շոգենավը» մուլտֆիլմը։ Չնայած հեռուստադիտողները Միկի մկնիկի մասին գիտեին ավելի վաղ՝ մայիսի 15-ից, երբ էկրաններին հայտնվեց «Խելագար ինքնաթիռը» կարճամետրաժ համր մուլտֆիլմը։
Հարկ է նշել, որ Միկի մկնիկը համարվում է ոչ միայ «Ուոլթ Դիսնեյ» ընկերության խորհրդանիշներից մեկը, այլ ամերիկյան փոփ արվեստի խորհրդանիշը:
Իսկ մուլտֆիլմային կերպար մկնիկին նկարել է ընկերության ղեկավար Ուոլթ Դիսնեյի գործընկեր Աբ Այվերքսը։
Գրեթե 20 տարի Դիսնեյն ինքն էր հնչունավորում Միկի մկնիկին, սակայն ծխելու հետևանքով նրա մոտ խրոնիկ հազ է առաջանում, ինչն էլ խանգարում է նրան շարունակել հնչունավորումը, և 1947 թվականից այդ գործը ստանձնում է Ջիմմի Մակդոնալդը, իսկ արդեն 1977-2009թթ. Միկին խոսում է Ուեն Օլլվայնի ձայնով:
Մեր օրերում Միկի մկնիկը հայտնվում է ոչ միայն մուլտֆիլմերում, այլև կոմիքսներում, վիդեոխաղերում, զվարճալի նախագծերում։
Աղբյուրը՝ tatron.info
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
