Իսրայելական օդուժի հարվածների հետևանքով սպանվել է «Համաս»-ի հրամանատարներից ևս մեկը

Իսրայելական օդուժը կեսօրին հերթական հարվածով ոչնչացրել է «Համաս»–ի ևս մեկ հրամանատար Յիհյա Աբիյային, ով պատասխանատու էր Իսրայելի հրթիռակոծման կազմակերպման և ղեկավարման համար՝ հաղորդում է Israel National News-ը:

Գազայի արաբական աղբյուրները հայտնել են, որ իսրայելական ինքնաթիռները խոցել են Գազայում գտնվող այն շինությունը, որտեղ թաքնվում էր Աբիյան։

Մամլո ասուլիսի ժամանակ Իսրայելի զինուժի աշխատակազմի ղեկավար Բենի Գանցը հայտարարել է, որ իրենք շարունակում են հարձակումները Գազայում՝ «Համաս»–ի ռազմական հենակետերի և ղեկավար կազմի ոչնչացման նպատակով: