ՀԱՄԱՍ-ն իսրայելական ռազմական նավ և ուղղաթիռ է ոչնչացրել

Կիրակի օրը իսլամական ՀԱՄԱՍ շարժման զինյալները հրթիռով պայթեցրել են իսրայելական ռազմածովային ուժերի նավ, այնտեղ պայթեցվել է նաև ուղղաթիռ. հաղորդում է իրանական արբանյակային Al Alam հեռուստաալիքը։ Իսրայելի ռազմական հրամանատարությունը դեռ չի հաստատել այս տեղեկությունը։

Պաղեստինյան Հայ Նասր թաղամասի՝ Իսրայելի կողմից հարձակման արդյունքում զոհվել է 11 մարդ, այդ թվում՝ 5 երեխա։ Եվս երեք երեխա զոհ էր դարձել Էլ Բրեյէ և Բեյթ Հանուն թաղամասերի վրա հրթիռային հարձակման հետևաքով, 3 մարդ մահացել էր հիվանդանոցում ստացված ծանր վնասվածքներից։ Ընդհանուր առմամբ՝ երեկ երեկոյի ընթացքում զոհվել է 29 պաղեստինցի, հաղորդում է ИТАР-ТАСС-ը:

Հիշեցնենք, որ նոյեմբերի 14-ից Իսրայելի ուղղությամբ բաց էր թողնվել 500 հրթիռ, սակայն դրանցից միայն 267-ն է ոչնչացվել օդում։

Կիրակի օրը Իսրայելի Օդուժի հարձակման արդյունքում Գազայի հատվածում զոհվել է ՀԱՄԱՍ խմբավորման մարտական թևի առաջնորդներից մեկը՝ Յահի Աբին։