Փարիզում ավանդական ամուսնությունների կողմնակիցները ծեծել են FEMEN-ի ակտիվիստուհիներին

Ուկրաինական FEMEN կանանց շարժման ակտիվիստուհիները կիրակի օրը հայտնվել են Փարիզում ավանդական ամուսնությունների պաշտպանության ցույցին և ծեծի են ենթարկվել. հաղորդում է Associated Press-ը։

Մոտ 10 աղջիկ մերկացած կրծքով, մասամբ հագնված միանձնուհիների հագուստով, հայտվեցին միասեռական ամուսնությունների դեմ դուրս եկած ցուցարարների դիմաց և սկսեցին վանկարկել՝ «Մենք հավատում ենք գեյերին (In gay we trust): Ուկրաինուհիները հավաքվածների վրա սպիտակ փոշի են ցանել։

Տեսնելով կիսամերկ աղջիկների ակցիան՝ մի քանի կաթոլիկ ակտիվիստներ հարձակվել են նրանց վրա և տապալել գետնին։ Ըստ նախնական տվյալների՝ միջադեպի հետևանքով լուրջ տուժածներ չկան։ Ոստիկանության աշխատակիցներն անվտանգության նկատառումներով ստիպված էին թաքցնել ակտիվիստուհիներին ավտոբուսի մեջ. Agence France-Presse-ի հետ զրույցում պատմել էր ֆրանսուհի ֆեմինիստուհիներից մեկը։

Ի պաշտպանություն ավանդական ամուսնությունների և ընտանեկան արժեքների ցույցը կազմակերպել էր կաթոլիկ կազմակերպությունը, որի հիմնական նպատակներից մեկը «Ֆրանսիայի ապաքրիստոնեացումն է»։ Երթին մասնակցել էր մի քանի հազար մարդ։