Իսրայելն ու Պաղեստինը պետք է համագործակցեն Եգիպտոսի հետ. ՄԱԿ

Իսրայելն ու Պաղեստինը պետք է համագործակցեն Եգիպտոսի հետ Գազայի հատվածում բռնությունները դադարեցնելու համար. հայտարարել է ՄԱԿ-ի գլխավոր քարտուղար Բան Կի Մունը:

«Ես համառորեն կոչ եմ անում երկու կողմերին աջակցել կրակը դադարեցնելու ուղղությամբ Եգիպտոսի գործադրած ջանքերին»,-նշված է գլխավոր քարտուղարի հայտարարության մեջ. փոխանցում է ИТАР-ТАСС-ը:

Բան Կի Մունը զգուշացրել է, որ հակամարտության մեծացումն անխուսափելիորեն հանգեցնելու է քացաքացիական բնակչության վնասներին: Նա նշել է, որ մոտ ժամանակներս այցելելու է տարածաշրջան, որպեսզի հանդիպի իսրայելական և պաղեստինյան առաջնորդների հետ՝ կոչ անելու նրանց դադարեցնել բռնությունները:

Միևնույն ժամանակ, Իսրայելի վարչապետ Շիմոն Պերեսը, ելույթ ունենալով բրիտանական Sky News հեռուստաընկերության առջև, հայտարարել է, որ Իսրայելը ողջունում է Գազայի հատվածում կրակը դադարեցնելու ուղղությամբ Եգիպտոսի գործադրած ջանքերը, սակայն շտապել է նշել, որ արմատական ՀԱՄԱՍ խմբավորումը պատրաստ չէ ընդունել համապատասխան առաջարկությունները:

Նոյեմբերի 18-ին Գազայի հատվածում գրոհայինները երկու անգամ կրակ են բաց թողել Ղուշ Դանի և Թել Ավիվի ուղղությամբ:

Հիշեցնենք, որ նոյեմբերի 14-ից Իսրայելի ուղղությամբ բաց էր թողնվել 500 հրթիռ, սակայն դրանցից միայն 267-ն է ոչնչացվել օդում։ Կիրակի օրը Իսրայելի Օդուժի հարձակման արդյունքում Գազայի հատվածում զոհվել է ՀԱՄԱՍ խմբավորման մարտական թևի առաջնորդներից մեկը՝ Յահի Աբին։