Շևարդնաձեն վիրավորված է զգում ՆԱՏՕ-ի արած հայտարարություններից

Վրաստանի նախկին նախագահ Էդուարդ Շևարդնաձեն երկուշաբթի օրը հայտարարել է, որ իրեն «վիրավորված է զգում» օրերս Բրյուսելում կայացած նախագահ Սաակաշվիլիի և ՆԱՏՕ-ի գլխավոր քարտուղար Անդերս Ֆոգ Ռասմուսենի հանդիպման ժամանակ վերջինիս կողմից հնչած գնահատականների համար, որոնք տրվել են Վրաստանում տեղի ունեցած բանտարկություններին՝ որակելով դրանք որպես քաղաքական դրդապատճառներով բանտարկություններ:

Մեկնաբանելով ՆԱՏՕ-ի գլխավոր քարտուղարի հայտարարությունն այն մասին, թե այդ բանտարկությունները քաղաքական բնույթ են կրում՝ նախկին նախագահը հայտարարել է, որ «շատերն Արևմուտքում հիասթափվել են, քանի որ հույսեր էին կապում Սաակաշվիլիի իշխանության հետ»:

«Եվ չնայած նրան, որ արևմտյան քաղաքական գործիչները պատրաստ էին աջակցել Սաակաշվիլիին, Վրաստանի ճակատագիրը որոշեց սեփական ժողովուրդը»,-ասել է նա:

Շևարդնաձեն հայտարարել է, որ սա պետք է դաս հանդիսանա նաև Բիձինա Իվանիշվիլիի համար, որպեսզի նա իր հույսը դնի միայն սեփական ժողովրդի վրա»:

Նրա խոսքերով՝ ՆԱՏՕ-ի գլխավոր քարտուղարությունը բավականաչափ քննադատաբար չի վերաբերել այն հանգամանքին, որ Վրաստանի նախկին իշխանություններն այդքան աղետներ բերեցին Վրաստանին:

Վրաստանում տարբեր մեղադրանքներով կալանքի տակ են վերցվել Պաշտպանության նախկին նախարար Բաչո Ախալայան, փոխքաղաքապետ Շոթա Խիզանիշվիլին և ՆԳՆ-ի ևս մի քանի բարձրաստիճան անձինք: ՊՆ Միացյալ շտաբի պետն ու 4-րդ բրիգադի հրամանատարը գրավի դիմաց ազատ են արձակվել: