Հայաստանի քաղաքական վերնախավում չկա համախմբող անձ. Հարություն Մեսրոբյան

Հայաստանի քաղաքական վերնախավում չկա համախմբող անձ, բոլորը պառակտող են: Այս մասին այսօր լրագրողնրի հետ հանդիպման ժամանակ ասաց Կառավարման փորձագետ Հարություն Մեսրոբյանը։

Վերջինս, խոսելով ընտրությունների մասին, ասաց, որ իր մոտ այնպիսի տպավորություն է, որ Հայաստանում հինգ տարին մեկ օլիմպիական խաղեր են և պայքար է գնում օլիմպիական չեմպիոն դառնալու համար:

Հարություն Մեսրոբյանը նշեց, որ Հայաստանում դասական իմաստով քաղաքական դաշտ չկա, չկան քաղաքական կուսակցություններ:

«Նախագահական ընտրություններից առաջ սկսվում է առևտուր, և յուրաքանչյուր քաղաքական ուժ փորձում է բարձրացնել իր գինը: Քանի դեռ քաղաքական ուժը կողմնորոշված չէ, գինը բարձր է, հենց կողմնորոշվում է, այլևս գին չունի»,-ասաց Մեսրոբյանը՝ հավելելով, որ ամեն ինչ անձերի շուրջ է, ոչ թե գաղափարի: