Մարդասպան Ամբարցումովի դեմ վերջնական մեղադրանք է ներկայացված

Պյատիգորսկում Վլադիմիր Ամբարցումովիի դեմ ներկայացված է վերջնական մեղադրանք. Նա բռնաբարել, ապա սպանել է 9-ամյա Աննա Պրոկոպենկոյին։

2012 թվականի ամռանն այս գործը լայն հասարակական արձագանք էր ստացել։ Աղջկան մի քանի օր փնտրում էին ոչ միայն ոտիկանության աշխատակիցներն ու զինվորականները, այլև կամավորները։ Բացի այդ, քննության ընթացքում ի հայտ էին եկել նաև այլ հանցագործություններ, որոնք իրականացրել էր Ամբարցումովը։

Քննության տվյալներով՝ 2012 թվականի հուլիսի 23-ին Ամբարցումովը, դիմավորելով դրսում Աննա Պրոկոպենկոյին, ներկայացել է որպես կոսմետիկ միջոցների ընկերության ներկայացուցիչ և առաջարկել աղջնակին գումար վաստակել։ Այդ նպատակով Ամաբարցումովն առաջարկել է աղջկան գնալ ընկերության գրասենյակ՝ տանելով նրան անտառ, որտեղ և բռնաբարել, ապա խեղդել  է աղջկան՝ նրա դին թաղելով անտառում։

Օգոստոսի 1-ին կատարված հանցագործության մեջ կասկածվող 40-ամյա տղամարդը բերման է ենթարկվել։ ԴՆԹ փորձաքննության արդյունքում Ամբարցումովի մեղքը հաստատվել է։ Նույն օրն Ամբարցումովը ձերբակալվել էր։

Բացի այդ, քննության ընթացքում հայտնաբերվել են Ամբարցումովի կողմից իրականացված մի շարք այլ հանցագործություններ։ Մասնավորապես՝ 2012 հուլիս ամսին Պյատիգորսկում նա բռնաբարել էր երիտասարդ կնոջ, իսկ 2004 թվականի սեպտեմբեր ամսին մտել է մի բնակարան և բռնաբարել տանը մենակ մնացած 12-ամյա աղջնակին։