«Բարսելոնան» և Իսպանիայի հավաքականն իրենց հիանալի խաղի զոհն են. Պեդրո

«Բարսելոնայի» և Իսպանիայի հավաքականի հարձակվող Պեդրո Ռոդրիգեսն իսպանական ԶԼՄ-ներին տված հարցազրույցում հայտարարել է, որ երկու թիմերի երկրպագուներն էլ իրենցից ոչ միայն հաղթանակ են ակնկալում, այլև խաղի համապատասխան մակարդակ։

«Մեր թիմերն իրենց հիանալի խաղի զոհն են դարձել։ Մարդիկ սովոր են, որ մենք պետք է միշտ հաղթենք, ընդ որում, հաղթանակի սպասում են հիանալի և կատաղի խաղի արդյունքում։ Սակայն դա շատ դժվար պահանջ է, ինչն անընդհատ ավելի է բարդանում։ Բանը նրանում է, որ յուրաքանչյուր թիմում կան հիանալի խաղացողներ և յուրաքանչյուր խաղ առանձին աշխարհ է»,-նշել է Պեդրոն։