ԲՀԿ-ն դեռևս որոշում չի կայացրել

Դեկտեմերի 2-ին կայանալիք թիվ 1 ընտրատարածքում Ազգային ժողովի մեծամասնական ընտրակարգով պատգամավորի թեկնածուներից որևէ մեկին սատարելու մասին ԲՀԿ-ում դեռևս որոշում չի կայացվել։  Այս մասին Lurer-com-ի հետ զրույցում ասաց «Բարգավաճ Հայաստան» կուսակցության մամուլի խոսնակ Տիգրան Ուրիխանյանը։  

Հիշեցնենք, որ այդ ընտրատարածքում առաջադրվել է 4 թեկնածու՝ ՀՀԿ-ից՝ Ռոբերտ Սարգսյանը, «Ժառանգություն»-ից՝ Ստյոպա Սաֆարյանը, «Սոցիալ-էկոլոգիական դաշինքի» ղեկավար Արմենակ Դովլաթյանն ու «Ժողովրդական» կուսակցությունից ինքնաառաջադրված Էդուարդ Պետրոսյանը։

Նշենք նաև, որ թիվ 1 ընտրատարածքում մայիսի 6-ին մեծամասնական ընտրակարգով պատգամավոր էր ընտրվել ՀՀԿ-ական Ռուբեն Հայրապետյանը ով մանդատը վայր դրեց «Հարսնաքար» ռեստորանում տեղի ունեցած միջադեպից հետո, որտեղ  ծեծի էին ենթարկվել ռազմական բժիշկներ, իսկ Վահե Ավետյանը դաժան ծեծի արդյունքում միջադեպից մի քանի օր անց, գիտակցության չգալով, մահացավ։

Ինչպես ավելի վաղ տեղեկացրել էր Lurer.com-ը, նույն օրը Գյումրու թիվ 35 ընտրատարածքում կայանալիք ընտրություններում ԲՀԿ տարածքային կառույցը սատարելու է ՀՀԿ-ի թեկնածու Արման Սահակյանին։