Հայազգի ֆուտբոլիստը 10 գնդակ է խփել՝ 12 խաղում

Ուրուգվայի առաջնության 12-րդ տուրում «Ֆենիքս»–ը կարողացել է հյուրընկալվելիս 2-1 հաշվով առավելության հասնել «Կերրո»–ի նկատմամբ: Այս մասին գրում է footballcity.am կայքը։

12-րդ րոպեին հանդիպման հաշիվը բացել է հայազգի հարձակվող Մաուրո Գևգեոզյանը։ Դա այս մրցաշրջանում Մաուրոյի 10-րդ գնդակն էր, և նա ընդամենը մեկ գոլով է ետ մնում առաջնության լավագույն ռմբարկու Խուան Օլիվայրայից:

«Ֆենիքս»–ը 12 հանդիպումներից հետո վաստակել է 20 միավոր և զբաղեցնում է 5-րդ հորիզոնականը: