Կեսգիշերային լուրեր թիվ 1 ընտրատարածքից

Թիվ 1 ընտրատարածքում առաջադրված պատգամավորի թեկնածու Ստեփան Սաֆարյանը facebook-ի իր էջում գրեց.

«1. Հանդիպումներով ու կազմակերպական խնդիրներով հագեցած օր էր: Կեսգիշերին նոր տուն եմ մտնում ու ամփոփում օրը:

2. Շնորհակալ եմ տասնյակ երիտասարդներին, ովքեր այսօր իմ բացակայությամբ ու շատ կազմակերպված բուկլետներս եւ իմ խոսքը հասցրեցին հարյուրավոր ընտանիքների: Ես անգամ չկարողացա օրվա վերջում շնորհակալությունս հայտնել Ձեզ /նրանք գրեթե բոլորը ՖԲ օգտատերեր են/, ինչը անում եմ հիմա: Անչափ զգացված եմ, որ այսօր իմ շտաբ զանգահարած տասնյակ ավանցիներ ոչ միայն իրենց զորակցությունն են հայտնել ինձ, այլեւ դրվատանքի խոսքեր ասել բուկլետներ բաժանած երիտասարդների բարեկրթության մասին: Ուրախ էի, որ ժամը 23:00-ին մտնելով շտաբ, որպես լավ լուր, ինձ ասացին այդ մասին:

3. Ինչպես արդեն այսօր տեղեկացրել եմ ֆեյսբուքով, պաշտոնապես դիմել եմ ՀՀ Ոստիկանության անձնագրերի եւ վիզաների վարչության պետին' պահանջելով թիվ 1 ընտրատարածքի ու ամբողջ Հանրապետության ընտրողների ցուցակները:

4. Սփյուռքից ժամանած հայազգի գիտնականների հետ միասին ԳԱԱ-ում կոնֆերանսի զեկուցող էի: Գիտաժողովից հետո մեկ այլ հանրահայտ բանախոս, ով, պարզվեց Ավանի բնակիչ ու ընտրող է, նույնպես հիացած էր իմ քարոզիչներով: Շնորհակալ եմ նրան նաեւ իր շրջապատի զորակցության խոսքերն ինձ փոխանցելու համար: Էրեխեք ջան, այս ամենը Ձեր համար եմ գրում, որ դուք էլ իմանաք, թե որքան շատ են հավանել մարդիկ Ձեզ: Իմ հաղթանակի կապակցությամբ որոշ ազդեցիկ մարդկանց ու շրջանակների վստահ խոսքերը լսելուց հետո մեկ-մեկ սկսում եմ Ֆրունզիկ Մկրտչյանի նման ինքս ինձ ասել' «Կարո՞ղ ա ընտրվել եմ, ես չգիտեմ»:ՃՃՃՃ

5. Իմ բացակայությամբ այսօր շտաբ են այցելել բազմաթիվ ավանցիներին, որոնց, ավաղ, չեմ կարողացել ինքս ընդունել: Առավոտյան հիմնական անելիքս նրանց կապվելն ու Ավանում նրանց հետ հանդիպում նշանակելն է լինելու:

6. Ու ընդհանրապես' վաղը առավոտից սկսած զանգեր, զանգեր, հանդիպումներ ու հանդիպումներ:

7. 16:00-ից հետո շտաբի պետ Արմեն Մարտիրոսյանի առաջնորդությամբ կմեկնենք որոշ բակային հանդիպումների:

8. Ցերեկային քարոզարշավիս ավելացել է գիշերային քարոզարշավը' հանդիպումներ մտերիմ, ծանոթ ու այլ մարդկանց ամենուր:

Մնաց այս ռեժիմով ձգենք եւս 12 օր»: