Արման Մարգարյան. Երբ կատվին չափից շատ ես սիրում, նա ճանկերն է խրում (տեսանյութ)

Հայկական շոու բիզնեսի ամենաքննարկվող ամուսնալուծություններից մեկը հաղորդավար Արման Մարգարյանի և հաղորդավարուհի Աննա Կոկչյանինն էր: Համատեղ կյանքի ընթացքում զույգը երեխա է ունեցել ու որոշ տարաձայնությունների հետևանքով բաժանվել:

2008 թվականին՝ անմիջապես բաժանումից հետո, Աննան հարցազրույց է տվել և խոստովանել, որ իրեն և Արմանին կապում էր բացառապես սերը, որը ծածկում էր կենցաղը, նյութականն ու անհամատեղելի լինելու փաստը: Աննան խոստովանում էր, որ խնդիրներ չէին առաջանում, ինքը չէր փորձում փոխել Արմանին, սիրում էր կուրորեն, և որ ինքը հոսանքին հակառակ էր գնում, Արմանը լողում էր հոսանքի ուղղությամբ: Հաղորդավարուհին պնդում է, որ ամեն հարցում ինքն է գործողը եղել, իսկ իր տղամարդը թույլ է գտնվել: Աննան հասկացել է, որ ինքը կին է և ուզում է գլուխը դնել տղամարդու ուսին ու ոչնչի մասին չմտածել:

Արմանը նույնպես շտապեց հրապարակել, որ իր և Աննայի միջև ամեն ինչ ավարտված է:

Մենք խոսեցինք Արմանի հետ՝ հասկանալու համար՝ արդյոք այս թեմայի հետ կապված վերջինս ավելացնելու որևէ բան ունի: Պարզվեց՝ Արմանի պատասխանը սպասվածից հակիրճ էր՝ ո՛չ»:

 «POP հանրագիտարան» հաղորդման «Աստղային բաժանումներ» հատվածում ևս անդրադարձ է կատարվել նախկինում Աննա, այժմ՝ Ինգրիդ Կոկչյանի և Արման Մարգարյանի հայտնի զույգի բաժանության թեմային:

Արմանը տեսանյութը տեսնելուց հետո իր ֆեյսբուքյան էջում հետևյալ գրառումն էր արել. «Նորմալ է, երբ կատվին չափից շատ ես սիրում, փաղաքշում ու շոյում, նա ճանկերն է խրում ու հեռանում: Ռ. Հախվերդյան:

Մարդ ես սարքում, TV ես տանում հետդ աշխատելու, հետո պարզվում են այսպիսի հետաքրքիր բաներ»,-տեսանյութը մեկնաբանել  է հաղորդավարը: