ՀԱՄԱՍ-ի ևս 4 կարևոր անդամ է սպանվել

Երկուշաբթի երեկոյան Իսրայելի զինուժը վերացրել է ՀԱՄԱՍ-ի և մահմեդական Ջիհադի ևս 4 ավագ անդամների. հաղորդում է Israel national news-ը:

Այս չորսի վերացման օպերացիան Իսրայելի զինուժի ջանքերի մի մասն էր՝ ուղղված թուլացնելու ՀԱՄԱՍ-ի ենթակառուցվածքային համակարգը Գազայում և վերականգնելու հանդարտությունն ու անդորրը հարավային Իսրայելում. նշվում է բանակի հայտարարության մեջ:

Այս չորս անձինք վերացվել են Իսրայելի և Շաբակի՝ Անվտանգության գլխավոր ծառայության միացյալ օպերացիայի ընթացքում:

Նրանք գտնվում էին բազմահարկ շինությունում, բայց սպանվել են կոնկրետ նպատակաուղղված հարվածից, որը չի դիպչել միջազգային լրատվամիջոցների ներկայացուցիչներից որևէ մեկին, որոնց գրասենյակները գտնվում են այդ շինությունում:

Այս կորստի կարևորությունն ակնհայտ է այն փաստից, որ ՀԱՄԱՍ-ը ժխտել է այն, որ Իսրայելի զինուժը վերացրել է այս անձանց:

Նրանց թվում են Աբու ալ-Աթթահը՝ ՀԱՄԱՍ-ի գլխավոր ռազմական խորհրդի անդամը, Թիսար Մահմուդ Մահմադ Ջաբաին՝ նույն խորհրդի անդամը, և մահմեդական Ջիհադի գլխավոր անդամներից Խալիլ Բահաթինին և Ռամեզ Հարբը: