ԵՄ-ն ճանաչել է Սիրիայի ազգային ընդդիմադիր կոալիցիան որպես սիրիական ժողովրդի միակ ներկայացուցիչ. Der Standard

Սիրիական ընդդիմությունը ձգտում է միասնականության: Չնայած որ ինքը` ընդդիմությունը, այդքան լավ չի կազմակերպում իր աշխատանքը, սակայն նրա փոխարեն դա շատ լավ անում են ԵՄ պետությունները: Բրյուսելում ընդունած բանաձևը այժմ նոր օգնություն կցուցաբերի նրանց. փոխանցում է գերմանական պարբերականը:

ԵՄ-ի 27 անդամ պետություններ ճանաչել են Սիրիայի ընդդիմության միասնական կոալիցիան՝ որպես սիրիական ժողովրդի օրինական ներկայացուցիչ: Անդամները, սակայն, միասնական չեն եղել այն հարցի շուրջ, թե ինչպիսին է լինելու իրենց վերաբերմունքը նորաստեղծ ընդդիմադիր կոալիցիայի նկատմամբ: Այսուհանդերձ, Սիրիական ազգային կոալիցիան եվրոպական մի շարք երկրների կողմից իր աջակցությունն է ստանում: Երկարատև քննարկումներից հետո ԵՄ արտգործնախարարները Բրյուսելում համաձայնության են եկել ճանաչել կոալիցիան՝ որպես սիրիական ժողովրդի օրինական ներկայացուցիչ: Ֆրանսիայի առաջարկը Սիրիայի ապստամբներին զենք մատակարարելու վրա դրված էմբարգոն հանելու մասին, չի քննարկվել:

ԵՄ տարածած այս հայտարարությունը հաջորդեց Ֆրանսիայի կողմից ընդունած որոշմանը՝ ճանաչել Սիրիայի ազգային կոալիցիան՝ որպես սիրիական ժողովրդի միակ օրինական ներկայացուցիչ:

ԵՄ արտաքին քաղաքական հարցերով ներկայացուցիչ Քեթրին Էշթոնը հերքել է, թե սիրիական ընդդիմության ճանաչումը նվազագույն փոխզիջում էր ընդամենը: Նա ասել է. «Ես չէի թերագնահատի այս միության ուժը»:

Նախարարը նշել է, որ սիրիական ընդդիմության կոալիցիայի ստեղծումը կարևոր քայլ է ընդդիմությունը միավորելու ուղղությամբ:

Գերմանիայի ԱԳ նախարար Գուիդո Վեսթերվելլեն հայտարարել է, որ ոչ մի հիմք չկա Սիրիայի ապստամբներին զենք մատակարարելու վրա դրված էմբարգոն չեղյալ հայտարարելու համար:

Մեծ Բրիտանիայի Ագ նախարար Վիլյամ Հեյգը հրաժարվել է մեկնաբանել, թե կընդունի արդյոք Մեծ Բրիտանիան սիրիական ընդդիմության կոալիցիան:

Միաժամանակ, Դոհայում հիմնադրված Ազգային միասնական կոալիցիայի նախագահ Մուազ Խաթիբը հայտարարել է, որ կազմակերպությունը պետք է իր շտաբն ունենա Եգիպտոսում:

Սիրիական ազգային կոլաիցիան հիմնադրվել էր նոյեմբերի 11-ին Քաթարի մայրաքաղաք Դոհայում երկարատև բանակցություններից հետո: Պարսից ծոցի 6 երկրներից բացի՝ Սիրիայի ընդդիմադիր միասնական կոալիցիան ճանաչել են նաև Թուրքիան, Ֆրանսիան, այժմ նաև ԵՄ-ը ճանաչեց այն որպես սիրիական ժողովրդի ներկայացուցիչ: