Կալիֆորնիայում պայքարում են փողոցում մերկ քայլելու իրավունքի համար
Վերջին լուրեր
Ամերիկյան Կալիֆորնիա նահանգում նուդիստները բողոքի ակցիաներ են կազմակերպում իշխանությունների՝ հասարակական վայրերում մերկ քայլելն արգելելու մտադրության դեմ:
Ըստ առաջարկող օրինագծի` յուրաքանչյուր ոք, ով կցանկանա մերկացնել իր սեռական օրգանները կամ հետույքը հասարակական վայրում, կհամարվի խախտող:
Որոշ բացառություններ կարվեն միայն որոշակի փողոցային միջոցառումների դեպքում. հաղորդում է BBC-ն: Ընդ որում, դաշնային մակարդակի վրա օրինագիծն արդեն մերժվել է այն պատճառաբանությամբ, որ խախտում է խոսքի և ինքնաարտահայտման ազատությունը: Սակայն Կալիֆորնիայում ամեն ինչ այլ է: Հայտնի է, որ տվյալ օրինագիծն ի հայտ է եկել՝ ի պատասխան մերկ տղամարդկանց թվի աճի դեմ բողոքի, որոնք պարբերաբար հայտնվում են Սան Ֆրանցիսկոյում՝ Կաստրո թաղամասի հրապարակներից մեկում: Այս թաղամասը համարվում է նույնասեռականների կենտրոն:
Ըստ օրինագծի՝ օրենքը խախտողն առաջին անգամ ստիպված է լինելու վճարել 100 դոլար տուգանք, ապա տուգանքը կարող է աճել մինչև 500 դոլար: Խախտողին սպառնում է նաև մինչև մեկ տարվա ազատազրկում:
Իրենց հերթին իրենք նուդիստներն ակտիվորեն պայքարում են իշխանությունների այս որոշման դեմ: Անցյալ շաբաթ մոտ 200 մարդ մերկացել է Սան Ֆրանցիսկոյի քաղաքապետարանի դիմաց՝ ի նշան օրինագծի դեմ բողոքի:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
