Ներքին գործերի նախկին նախարար Օկրուաշվիլին վերադարձել է Վրաստան
Վերջին լուրեր
Վրաստանի ներքին գործերի նախկին նախարար, Փարիզում բնակվող քաղաքական փախստական Իրակլի Օկրուաշվիլին, ով նախկին իշխանությունների կողմից մեղադրվում էր կոռուպցիայի մեջ և հեռակա կարգով դատապարտվել էր 11 տարի ազատազրկման, երեքշաբթի օրը վերադարձել է հայրենիք. այս մասին հաղորդում է Взгляд-ը՝ հղում կատարելով Маэстро հեռուստաալիքին: Հաղորդվում է նաև, որ Օկրուաշվիլին պատրաստ է համագործակցել հետաքննության հետ:
Նշվում է, որ մանրամասները կհաղորդվեն ավելի ուշ:
Նշենք, որ վերջին տարիներին Օկրուաշվիլին բնակվում էր Փարիզում, հայրենիքում նրան սպառնում է 11 տարվա ազատազրկում: 2007-ի աշնանը նա հանդես եկավ նախագահ Միխայիլ Սահակաշվիլիի խիստ քննադատությամբ, որի արդյունքում ձերբակալվեց, ապա ազատ արձակվեց, որից հետո նրան հաջողվեց լքել երկիրն ու ստանալ քաղաքական փախստականի կարգավիճակ Փարիզում:
Անցյալ տարի մայիս ամսին նա պատրաստվում էր վերադառնալ հայրենիք, սակայն ընդդիմության հանրահավաքները Վրաստանում իշխանությունների կողմից դաժանորեն ճնշվեցին, ինչից հետո Օքրուաշվիլին փոխեց իր որոշումը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
