Թուրքիայում ոտնահարվում են միակ հայկական գյուղի իրավունքները
Վերջին լուրեր
Վերջին օրերս Թուրքիայի խորհրդարանի կողմից ընդունած մեծ քաղաքների մասին օրենքն ուժի մեջ մտնելուց հետո միակ հայկական գյուղի իրավունքները Թուրքիայում հավասարվում են զրոյի:
Ինչպես տեղեկացնում է «Ակօս» թերթը Ստամբուլից, խորհրդարանում իշխող «Արդարություն և զարգացում» կուսակցության առաջ քաշած և հաստատած մեծ քաղաքների մասին նոր օրենքի կապակցությամբ հայկական Վաքըֆլի գյուղի Սուրբ Աստվածածին եկեղեցու հիմնդարամի նախագահ Ջեմ Չափարը Թուրքիայի Արդարադատության նախարարին հայտնել է հայաբնակ գյուղի անհանգստության մասին:
Չափարը նշել է, որ օրենքն ուժի մեջ մտնելուց հետո կփոխվի Վաքըֆլի գյուղի ժողովրդագրական նկարագիրը, որն այժմ բացառապես հայաբնակ է:
Նրա խոսքերով՝ օրենքը ենթադրում է, որ Վաքըֆլին՝ որպես գյուղ, կկորցնի իր կարգավիճակը: «Մենք հայտարարություն ենք գրել, և սպասում ենք, որ նոր օրենքն ուժի մեջ մտնելուց հետո հաշվի կառնվի Վաքըֆլի գյուղի առանձնահատուկ կարգավիճակը»,-ասել է Ջեմ Չափարը:
Նշենք, որ Թուրքիայի խորհրդարանում մեծ աղմուկով և ծեծկռտուքով ընդունած օրինագիծը նախատեսում է, որ 500 մարդուց պակաս բնակչություն ունեցող գյուղերը միավորվում են մոտակայքում գտնվող բնակավայրերից մեկի հետ՝ կորցնելով իրենց՝ սեփական համայնքի ղեկավարին ընտրելու իրավունքը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
