Օկրուաշվիլին արդեն Գլդանի բանտում է

Վրաստանի ներքին գործերի և պաշտպանության նախարար, Փարիզում քաղաքական փախստականի կարգավիճակով ապրող Իրակլի Օկրուաշվիլին, ով նախկին իշախնությունների կողմից մեղադրվում էր կոռուպցիայի մեջ և դատապարտվել էր 11 տարվա ազատազրկման, երեքշաբթի օրը վերադարձել է հայրենիք և իսկույն տեղափոխվել թբիլիսյան Գլդանի բանտ. այս մասին հայտարարել է Վրաստանի արդարադատության նախարար Թեա Ցուլուկիանին. հաղորդում է Бзгляд թերթի թղթակիցը Վրաստանից: Ցուլուկիանին Օկրուաշվլիի ձերբակալությունը բացատրել է այն հանգամանքով, որ վերջինս Վրաստանում հետախուզության մեջ է:

«Հավանաբար նա ցանկանում է ապացուցել իր անմեղությունը: Չի կարելի ասել, որ նա ավտոմատ կերպով անմեղ է: Հարկավոր է հետաքննություն անցկացնել: Նրա դեմ մեղադրանքներ են հարուցված մի քանի գործով»,-ասել է Տեա Ցուլուկիանին:

Ավելի վաղ Վրաստանի ներքին գործերի և պաշտպանության նախարարը ԶԼՄ-ների հետ զրույցում նշել էր, որ վերջին տարիների ընթացքում երկու նպատակ ուներ՝ «հեռացնել Միշային (Միխայիլ Սաակաշվիլիին) և վերադառնալ հայրենիք»:

«Միշային հեռացնելու գործընթացը մասամբ հասցվել է ավարտին: Դա արել են ուրիշները, սակայն ես ևս իմ փոքր լուման եմ ներդրել այս գործում»,-ասել է նա: «Ամենակարևորը այն է, որ ես Վրաստանում եմ, թեև տանը չեմ: Եվ Վրաստանից ինձ այլևս ոչ ոք դուրս չի բերի»,- հայտարարել է նախկին նախարարը:

Նշենք, որ վերջին տարիներին Օկրուաշվիլին բնակվում էր Փարիզում, հայրենիքում նրան սպառնում է 11 տարվա ազատազրկում: 2007-ի աշնանը նա հանդես եկավ նախագահ Միխայիլ Սաակաշվիլիի խիստ քննադատությամբ, որի արդյունքում ձերբակալվեց, ապա ազատ արձակվեց, որից հետո նրան հաջողվեց լքել երկիրն ու ստանալ քաղաքական փախստականի կարգավիճակ Փարիզում:

Անցյալ տարի մայիս ամսին նա պատրաստվում էր վերադառնալ հայրենիք, սակայն ընդդիմության հանրահավաքները Վրաստանում իշխանությունների կողմից դաժանորեն ճնշվեցին, ինչից հետո Օքրուաշվիլին փոխեց իր որոշումը: