«Բարսելոնայի» նախագահը բանակցել է Նեյմարի հոր հետ

«Բարսելոնայի» նախագահ Սանդրո Ռոսելն անցած շաբաթ բանակցություններ է վարել «Սանտոսի» հարձակվող Նեյմարի հոր հետ. տեղեկացնում է Fox Sports-ը։

Հանդիպումը կայացել է ԱՄՆ-ում, որտեղ Բրազիլիայի հավաքականը ընկերական հանդիպում է անցկացրել Կոլումբիայի հետ (1։1)։ Գործարքի մանրամասները չեն հրապարակվում։

Հիշեցնենք, որ ավելի վաղ հայտարարվել էր, որ «Սանտոսը» և «Բարսելոնան» բրազիլացու տրանսֆերի վերաբերյալ համաձայնության են եկել, և կատալոնացիներն արդեն ֆուտբոլիստի համար վճարել են 10 մլն եվրո։

Ընթացիկ մրցաշրջանում Նեյմարը Բրազիլիայի առաջնությունում մասնակցել է 16 խաղի և հեղինակել 12 գոլ։